INA

Ang sarap isipin nung ako ay bata pa,

Masasayang ala-ala sa piling ni ina,

Kay sarap sariwain sa tuwi-tuwina

At di maiwawagli sa aking ala-ala

Saking pagkamusmos ang laging nasa isip,

Saan man sya magpunta,kamay nakakapit

At sa tuwing mawawala,saking paningin,

Inay ko!,inay ko yan ang laging sinasambit

Sa aking pagtulog,siya ang laging katabi

Ako'y binabantayan araw man o gabi

D hahayaang malagay man sa panganib

Siya ang aking tagapagtanggol palagi

Ang kasiyahang iyo'y madaling naparam

Nang ang aking inay bigla akong iniwan

Dahil sa pangyayaring hindi naiwasan

At ang ina kong mahal ay biglang pumanaw

Isang araw ay nagising,at siyay hinanap

Aking hinanap ngunit di nahagilap

At ng hindi ko makita ang aking ia

Sa sobrang takot ako ay umiyak

Ako'y nilapitan ni lola't kinausap

At ipinaliwanag kung ano ang naganap

Sa mura kong edad pilit pinaliwanag

At nang sya'y may itinuro sa aking harap

Pagkatapos noon ako'y kanyang binuhat

At sa puting kahon ako ay idinala

At ng may mistulang may taong nakaratay

Ang nakahimlay pala dooy aking ina

Masakit isiping si ina'y pumanaw na

Di na muling matatanaw ang kanyang mukha

Sa mga mata ko mukha mo'y di mabubura

Iisipin lamang masasayang ala-ala

Kayat sa munting tulang ito nais kitang pasalamatan
 O aking ina minamahal kong tunay
Ang pagmamahal na di ko man naiparamdam
Sa puso't isipan ko  di ka iwawalay.

By:miro